KIDUNG PRAHARA SITU GINTUNG
Amblas bablas tanpa tilas
Rata klawan bantala
Prahara teka tanpa kandha
Rikala
Manungsa kepati nendra
Situ Gintung dadi kidung memala
Iku disengaja
Apa lali ?
Ora kena dibantah
Lha wong iku musibah
Kita kudu pasrah
Apa kersane Allah
Upama prahara iki
Tekane kanthi ngandhani
Ora bakal akeh sing mati
Nanging kabeh wis pinesthi
Tan bisa diendhani
Kabeh wus dumadi
Ora bakal bisa bali
Kanggo pepeling
Wong kang eling
Manungsa
Amung bisa
Sumarah, pasrah, manembah
Supayantuk pitedah
Tumuju ing alam barzah
Gringsing, 31 Maret 2009
Anggitanipun Hajar Suryanto
Bawa Wacana
Sugeng maos, wonten ing seratan ingkang kula damel menika mugi saget mumpangati dhumateng Panjenengan, lan panyuwun kula dhumateng para ingkang maos suka paring panyaruwe ing babagan seratan kula menika.
Senin, 01 Juni 2009
Langganan:
Postingan (Atom)